Reynsla síðan 1998

Flotun er sérhæft fyrirtæki í lagningu flotefna. Stofnandi þess er Guðmundur Björnsson múrarameistari. Fyrirtækið hefur á farsælum ferli þjónað byggingamarkaðnum og er þekkt fyrir gæði og vönduð vinnubrögð. Árið 2026 tók Vinnumenn ehf. við rekstri Flotunar og heldur áfram á sömu braut, með sömu handbrögðum og sömu kröfum um gæði.

Gott orðspor fyrirtækisins við lagningu flotefna helgast einkum af þrennu.

Í fyrsta lagi notum við aðeins gæðaflotefni frá virtum alþjóðlegum framleiðendum.

Í öðru lagi hefur fyrirtækið yfir að ráða öflugum sérhæfðum tækjakosti til að ráða við þau fjölmörgu verkefni sem markaðurinn kallar eftir.

Í þriðja lagi er vert að nefna samhent og reynslumikið starfsfólk fyrirtækisins, sem vinnur eftir ströngum verkferlum.